Terminologia istrumentos sanitàrios

Terminologia 

istrumentos sanitàrios

 

 

 

 

 

 

Su tèrmine o ñocutzione est iscritu in sardu, in lìtera asula e grussa, in italianu e in inglesu, in lìtera niedda:

fonendoscòpiu – fonendoscopio – phonendoscope

 

 

A

 

aberibuca – apribocca - gag

Dispositivu de plàstica o de metallu chi s’impreat pro mantènnere aberta sa buca in s’esploratzione o in interventos chirùrgicos de s’orofaringe.

adipòmetru – adipometro – skinfold caliper

Istrumentu manuale o digitale chi medit in millìmetros sa grussària de su tessutu adiposu cutàneu in partes diferentes de su corpus pro carculare sa pertzentuale de grassu corporale.

 

agu – ago – needle

Istrumentu metàllicu puntudu, fine e longu, chi s’impreat cun finalidade diagnòstica o terapèutica

 

agu a mariposa – ago a farfalla – butterfly needle

Agu de unos 5-10 mm cun duas alas minoreddas de plàstica chi permitent un’introdutzione prus fàtzile in vena; indicadu in patzientes cun fragilidade capillare e in criaduras.

agu atraumàticu –  ago atraumatico – atraumatic needle

Agu de sutura meda fine, cun su filu giai aunidu e de su matessi càlibru, monoimpreu; est s’agu prus impreadu pro suturare oe in die.

 

agu de estratzione –  ago di estrazione – sample needle

Agu impreadu pro otènnere mustras.

 

agu de sutura –  ago di sutura – surgical needle

Agu, curvu o deretu, de setzione triangulare o tzilìndrica, impreadu pro introduire su filu pro suturare sos tessutos.

 

agu endovenosu – ago endovenoso – intravenous needle

Agu de inietzione impreadu pro introduire fàrmacos in istadu lìcuidu in una vena.

 

agu ipodèrmicu – ago ipodermico – hypodermic needle

Agu de inietzione fine e mutzu, impreadu pro introduire fàrmacos a livellu ipodèrmicu.  

 

agu pro biopsia – ago per biopsia – biopsy needle

Agu de estratzione longu, fine e meda resistente, impreadu pro otènnere mustras de tessutu tzitolòlgicu o istològicu pro aspiratzione.

 

agu pro inietzione – ago per iniezione – injection needele

Agu impreadu pro inietare fàrmacos pro via parenterale. 

 

alcolìmetru – alcolimetro – breth analyzer

Istrumentu portàtile impreadu pro medire s’alcol in s’àera espirada; dae custa si podet determinare sa cuntzentratzione de s’alcol in su sàmbene.

 

algesìmetru – algesimetro – algesiometer

Istrumentu manuale o elètricu impreadu pro medire sa sensibilidade a su dolore produida dae una puntura o dae sa pressione. 

 

AMBU  >  respiradore manuale        

 

amnioscòpiu – amnioscopio – amnioscope

Endoscòpiu impreadu pro esaminare su lìcuidu amniòticu e sas membranas chi imbòligant su fetu.

 

amniòtomu – amniotomo – amniotome

Lantzita de metallu o de plàstica, monoimpreu, cun una màniga longa, impreada pro abèrrere sas membranas fetales.

 

ampullita volumètrica – matraccio – volumetric flask

Ampullita de bidru a forma isfèrica o cònica, fundu pranu e tzugru longu, a bortas tarada pro indicare sa capatzidade, impreada pro preparare solutziones de cuntzentratzione connota.

 

analizadore – analizzatore – analyzer

Istrumentu chi analizat o faghet un’anàlisi pro determinare sas propiedades de una sustàntzia, de unu sistema o de un’òrganu.

 

analizadore biochìmicu – analizzatore biochimico – biochemistry analizer

Istrumentu impreadu pro fàghere anàlisis biochìmicas a partire dae unu mustra de sàmbene, seru, plasma, urina, lìcuidu tzefalorachìdeu o àteros flùidos corporales. 

 

analizadore ematològicu – analizzatore ematologico - hematology analyzer

Analizadore impreadu pro cuantificare sos glòbulos biancos, sos glòbulos rujos e sas piastrinas de una mustra de sàmbene.

 

aparatu de anestesia – apparecchio di anestesia – anesthesia machine

Aparatu impreadu pro s’aplicatzione de s’anestesia inalatòria chi càmbiat s’istadu de sos anestèsicos inalatòrios dae lìcuidu a gas e los mìsciat cun s’ossìgenu. Sos aparatos de anestesia s’impreant cun unu tzircùitu anestèsicu, unu respiradore e àteros dispositivos de supervisione de su patziente.

 

aparatu de criochirurgia – sistema di criochirurgia – cryosurgery sistem     

Dispositivu chi destruit tessutu patològicu cun s’aplicatzione locale de fritu intensu chi produit necrosi tessutale de coagulatzione pro cungelamentu de sas membranas e orgànulos tzellulares.

 

aparatu de rajos X – apparato di raggi X – X-ray system

Aparatu impreadu pro fàghere radiografias, cumpostu dae unu generadore de rajos X, unu tubu de rajos X, unu protzessadore de immàgines.

 

aparatu de resonàntzia magnètica – apparato di risonanza magnetica – magnetis resonance scanner

Aparatu pro istùdiu no invasivu chi dat immàgines meda pretzisas de su corpus umanu impreende campos magnèticos, sena espònnere su patziente a radiatziones ionizantes, impreadu pro sa diàgnosi de una variedade manna de cunditziones patològicas. 

 

aploscòpiu – aploscopio – haploscope

Istrumentu òticu impreadu pro esaminare sos assos visivos.

 

astigmòmetru > oftalmòmetru

 

atigrafu – actigrafo – actigraph

Istrumentu, de forma e dimensiones de unu relògiu de burtzu, impreadu pro registrare sos movimentos corporales, chi permitet s’istùdiu de sa durada e de sa cualidade de su sonnu.

 

audiòmetru – audiometro – audiometer

Istrumentu eletrònicu chi gènerat sonos puros a una intensidade calibrada,  impreadu pro medire sas caraterìsticas de s’auditzione, in particulare su livellu de sa sensibilidade auditiva.   

 

audiopròtesi  >  pròtesi acùstica

 

autoclave – autoclave – autoclave

Aparatu de laboratòriu, metàllicu e resistente, chi permitet de otènnere temperaturas de s’abba chi cuntenet superiores a chentu grados, impreadu pro isterilizare istrumentos chirùrgicos.

 

 

 

 

 

 

 

 

 

 

 

 

B

 

baropodòmetru – baropodometro – baropodometer

Istrumentu, formadu dae una pedana cun sensores collegada a unu sistema informàticu, impreadu in podologia pro medire e analizare sa pressione de sas prantas de su pee chi esèrtzitant sas istruturas musculares e òsseas e sos tessutos moddes de sas estremidades inferiores in positzione firma e in movimentu.

 

bicu  Bunsen –  becco Bunsen – Bunsen burner

Aparatu de laboratòriu pro su prus tubulare in ue si mìsciat unu combustìbile cun àera, in proportzione graduàbile, cun s’obietivu de otènnere una frama pro caentare o isterilizare mustras o reativos chìmicos.

 

bidru portaogetos – vetrino portaoggetti – slide

Istrumentu de bidru de laboratòriu, pro su prus retangulare, chi servit de suportu a sas preparatziones chi, covecadas cun unu cubreogetos, si podent osservare in su microscòpiu.

 

bilirubinòmetru – bilirubinometro - bilirubinometer

Istrumentu chi medit sa cuntzentratzione de bilirubina in su sàmbene.

 

bìsturi – bisturi – bistoury

Istrumentu chirùrgicu in forma de gurteddu, impreadu pro fàghere intzisiones chirùrgicas o anatòmicas. 

 

bìsturi cun lama fissa – bisturi a lama fissa – scalpel

Bìsturi chi tenet sa lama fissa, impreadu mescamente pro dissetziones.

 

bìsturi de cartilàgine   >   condròtomu

 

bìsturi elètricu – bisturi elettrico – electric scalpel

Istrumentu chi impreat currente elètrica de frecuèntzia arta pro intzìdere, estirpare o destruire tessutos durante un’operatzione chirùrgica.

 

blefaròstatu – blefarostato - blepharostat

Istrumentu oftalmològicu impreadu comente separadore palpebrale in una esploratzione o chirurgia oculare.

 

broncofibroscòpiu – broncofibroscopio – bronchial endoscop

Endoscòpiu de fibra òtica impreadu pro esplorare e fotografare s’internu de sa trachea e de sos brònchios; est unu tubu longu, fine e flessìbile chi si introduit in sas vias respiratòrias. 

 

bureta – buretta – burete

Istrumentu pro medire volùmenes de solutzione chi cunsistet in unu tubu de bidru longu e fine, graduadu in millìmetros, cun una abertura inferiore regulada dae un’isceta. 

 

 

 

 

 

 

 

 

C

 

calibradore – calibratore – calibrator

Istrumentu, de plàstica, metallu o eletrònicu, impreadu pro calibrare unu tubu o unu cundutu.

 

càmera de inalatzione – camera di inalazione – holding chamber

Dispositivu de plàstica trasparente in forma de tubu, cun unu adatadore universale disegnadu pro fatzilitare s’amministratzione de fàrmacos in aerosol a su sistema respiratòriu.

 

cànnula – cannula – cannula

Tubu rìghidu o flessìbile, de materiale, forma e longària diferentes, abertu in sas duas estremidades, chi si introduit in una abertura naturale o patològica de s’organismu. 

 

cànnula endotracheale – cannula endotracheale – endotraqueal tube

Tubu chi s’introduit in sa trachea dae sa buca, su nasu o una tracheostomia, pro mantènnere aberta sa via aèrea, aspirare secretziones respiratòrias, amministrare agentes anestèsicos o mantènnere una respiratzione artifitziale o assistida.

 

cànnula nasale – cannula nasale – nasal oxigen prongs

Cànnula de plàstica semirìghida dae ue essint duos tubigheddos flessìbiles chi si introduint in s’intrada de sas fossas  nasales pro amministrare flussos bàscios de ossìgenu.

 

capnògrafu – capnografo – capnograph

Capnòmetru chi dat unu registru contìnuu de su diòssidu de carbòniu in unu tziclu respiratòriu. 

 

capnòmetru – capnometro – capnometer

Dispositivu impreadu pro medire sa cuntzentratzione de diòssidu de carbòniu de s’àera espirada in unu momentu cuncretu de su tziclu respiratòriu.

 

càpsula de Petri – capsula di Petri – Petri dish

Istrumentu de laboratòriu de forma tzirculare, pranu, trasparente, de bidru o plàstica, impreadu pro cultivos microbiològicos.

 

càpsula endoscòpica – capsula endoscopica – endoscopic capsule

Aparatu endoscòpicu sena filos de forma e mannària sìmile a una pìndula chi su patziente tragat cun abba e permitet de registrare immàgines de s’internu de su tubu digestivu.

 

cardiògrafu – cardiografo – cardiograph

Dispositivu chi s’impreat pro registrare graficamente s’atividade de su coro.

 

cardiotocògrafu – cardiotocografo – cardiotocograph

Aparatu chi s’impreat pro registrare sa frecuèntzia cardìaca fetale e s’intensidade de sas contratziones uterinas durante sa graidesa e su partu.

 

carrellu de emergèntzia – carrello di emergenza – emergency trolley

Carrellu mòbile chi cuntenet totu su materiale istrumentale, tècnicu e farmacològicu indispensàbile pro sas emergèntzias vitales.

 

catètere – catetere – catheter

Tubu longu e fine chi s’introduit faghende una intzisione, pro su prus in una vena, in una cavidade orgànica o in unu cundutu naturale o patlògicu, pro l’esplorare, lu dilatare, inietare unu lìcuidu  o drenare.

 

cheratoscòpiu – cheratoscopio – keratoscope

Dispositivu òticu chi cunsistet in unu discu, cun asa,  cun chircos cuntzentricos, biancos e nieddos a borta a borta, a inghìriu de un’istampu tzentrale, impreadu pro esaminare sos riflessos de sa cara anteriore de sa còrnea e determinare s’astigmatismu.

 

clamp  >  pintza emostàtica

 

clip  >  grapeta

 

coagulòmetru – coagulometro – coagulometer

Analizadore chi medit sa velotzidade de coagulatzione de su sàmbene.

 

covecaogetos – coprioggetti – coverglass

Laminedda de bidru meda fine cuadrada o retangulare,  chi s’impreat in sa tècnica microscòpica e si còllocat in subra de sa mustra posta in unu portaogetos. 

 

coledocoscòpiu – coledocoscopio – choledochoscope

Fibroscòpiu meda fine impreadu pro esplorare s’internu de su colèdocu.

 

colonscòpiu – colonscopio – coloscope

Fibroscòpiu impreadu pro esplorare su colon.

 

colposcòpiu – colposcopio - colposcope

Istrumentu òticu impreadu pro esplorare sa vàgina e su tzugru uterinu, formadu dae unu sistema binoculare de lentes chi àmpriant s’immàgine.

 

concòtomu – concotomo - conchotome

Istrumentu chirùrgicu impreadu in s’operatzione de concotomia, asportatzione de unu turbinatu o conca nasale. 

 

condròtomu – condrotomo – chondrotome

Tipu de bìsturi prus forte impreadu pro sa setzione de sa cartilàgine.

 

coro artifitziale  >  tzirculatzione extracorpòrea

 

covecaogetos – coprioggetti – coverglass

Làmina de bidru impreada in sa tècnica microscòpica pro covecare ogetos de osservare, postos in unu portaogetos.

 

craniòmetru – craniometro – craniometer

Istrumentu impreadu pro medire su cràniu.

 

craniòtomu – craniotomo – craniotome

Istrumentu chi permitet s’abertura de su cràniu de patzientes chi netzèssitant  unu tratamentu neurochirùrgicu.

 

crioestratore – crioestrattore – cryoextractor

Sonda chi cungelat su cristallinu e nde permitet s’asportatzione chirùrgica. 

 

crioscòpiu – crioscopio – cryoscope

Istrumentu impreadu pro determinare su minimantu de su puntu de cungelamentu de unu lìcuidu a càusa de sa presèntzia de una sustàntzia isorta.

 

criosonda – criosonda – cryoprobe

Sonda collegada a una fonte de sustàntzia chi gènerat fritu, chi s’mpreat in crioterapia e criochirurgia pro aplicare fritu in tessutos chi tocat a tratare.

 

cuadore de acufenes – mascheratore di acufeni – tinnitus masker

Dispositivu eletrònicu chi produit sonos cun sa finalidade de covecare sos acufenes e fatzilitare s’istùdiu audiomètricu.

 

criòstatu – criostato – cryostat

Càmera de cungelamentu chi cuntenet unu micròtomu pro segare tessutos cungelados.

 

culdoscòpiu – culdoscopio – culdoscope

Endoscòpiu, cumpostu dae una cànnula e unu sistema òticu cun illuminatzione, chi si introduit in su fòrnitze vaginale posteriore pro esplorare su sacu de Douglas.

 

 

 

 

 

 

 

 

D

 

 

defibrilladore – defibrillatore – defibrillator

Dispositivu chi àplicat un’iscàrriga elètrica controllada in su corpus de una pessone, pro mèdiu de eletrodos,  impreadu pro produire una  defibrillatzione cardìaca.

 

defibrilladore automàticu esternu - defibrillatore automatico esterno – automatic external defibrillator

Defibrilladore portàtile chi analizat su ritmu cardìacu de una pessone, identìficat si esistint aritmias mortales e dat s’iscàrriga elètrica adecuada pro restabilire su ritmu cardìacu. 

 

defibrilladore cardìacu impiantàbile - defibrillatore cardiaco impiantàbile – implantable cardiac defibrillator

Defibrilladore chi si impiantat subcutàneu, cun anestesia locale, pro su prus in suta de sa clavìcula, pro tratare sas aritmias chi non rispondent a sos fàrmacos.

 

defibrilladore manuale – defibrillatore manuale – manual defibrillator

Defibrilladore esternu chi recherit s’interventu de una pessone esperta.

 

defibrilladore semiautomàticu esternu - defibrillatore semiautomatico esterno – semiautomatic external defibrillator

Defibrilladore portàtile chi analizat su ritmu cardìacu de una pessone, identìficat si esistint aritmias mortales e dat s’iscàrriga elètrica adecuada pro restabilire su ritmu cardìacu cun s’interventu de una pessone chi devet ativare s’iscàrriga.

 

densitòmetru – densitometro – densitometer

Istrumentu impreadu pro medire sa densidade de unu tessutu, pro esempru su gradu de mineralizatzione de un’ossu.

 

depressore – depressore – depressor

Istrumentu chi, in una esploratzione, abbassat un’òrganu o una istrutura, pro esempru depressore linguale.

 

dermatòtomu – dermatotomo – dermatome

Istrumentu chirùrgicu impreadu in chirurgia estètica pro otènnere setziones  laminares de sa pedde o estirpare lesiones cutàneas minoreddas.

 

diafanoscòpiu -  diafanoscopio – diaphanoscope

Aparatu cumpostu dae una fonte luminosa impreadu pro esaminare, pro transilluminatzione, una cavidade corporale o òrganos traslùtzigos.

 

dilatadore – dilatatore – dilator

Istrumentu impreadu pro dilatare unu cundutu naturale, pro esempru: dilatadore uterinu.

 

dinamòmetru – dinamometro – dynamometer

Aparatu impreadu pro medire sa fortza de contratzione musculare. 

 

discu dentale – disco dentale – dental disk

Discu de materiale variadu chi, postu in unu tràpanu, servit pro limare o innetiare dentes.

 

dispositivu BIPAP - dispositivo BIPAP – BIPAP machine

Dispositivu pro aplicare pressione sighida a sas vias respiratòrias a patzientes adultos o pediàtricos no intubados chi permitet sa seletzione de duas pressiones diferentes, una pro sa fase inspiratòria e s’àtera pro sa fase espiratòria. 

Sa sigla BIPAP currispondet a sa denominatzione inglesa: bilevel positive airway pressure.

 

dispositivu CPAP - dispositivu CPAP – CPAP machine

Respiradore pro aplicare pressione sighida in sas vias respiratòrias, pro las mantènnere abertas, a patzientes adultos o pediàtricos no intubados.

Sa sigla CPAP currispondet a denominatzione inglesa: continuous positive airway pressure.

 

dispositivu de assistèntzia ventriculare - dispositivo di assistenza ventricolare – ventricular assitance device

Dispositivu de assistèntzia mecànica a sa tzirculatzione impiantadu cun operatzione cardiochirùrgica chi agiudat su coro a pompare su sàmbene a sos òrganos de su corpus.

 

dispositivu intrauterinu – dispositivo intrauterino – intrauterine device

Dispositivu minoreddu de plàstica, in forma de T impreadu comente anticuntzetivu. 

 

dispositivu pro sa tzirculatzione extracorpòrea – dispositivo per la circolazione extracosporea – heart-lung bypass unit

Aparatu chi cumbinat unu coro artifitziale extracorpòreu e un’ossigenadore, impreadu in chirurgia cardìaca pro nde bogare su sàmbene venosu dae sos vasos mannos aferentes, lu ossigenare e lu torrare a pònnere in sos vasos arteriales sighende unu tzircuitu chi escluet su coro. 

 

dissetore – dissettore – dissector

Istrumentu chirùrgicu impreadu in sa dissetzione.

 

doppler fetale – doppler fetale – fetal doppler

Dispositivu chi impreat undas ultrasònicas pro monitorare sa frecuèntzia cardìaca fetale a partire dae sas oto chidas de gestatzione.

 

drenàgiu – drenaggio – drainage

Dispositivu chi comùnicat una cavidade naturale o patològica cun s’esternu e fatzilitat sa essida de flùidos ammuntonados pro evitare tratenniduras patològicas.

 

drenàgiu aspirativu – denaggio aspirativo – suction drainage

Drenàgiu collegadu a un’aspiradore dae ue essit su lìcuidu de lavàgiu paris cun s’essudadu o su lìcuidu internu chi si cheret drenare.

 

drenàgiu toràtzicu – drenaggio toracico – thoracic drainage

Drenàgiu chi si introduit in s’ispàtziu pleurale pro eliminare lìcuidos o gas e fatzilitare su ristabilimentu de sa pressione negativa in sa cavidade pleurale e s’espansione pulmonare cumpleta.

duodenoscòpiu – duodenoscopio – duodenoscope

Endoscòpiu flessìbile chi s’impreat pro esaminare s’internu de su duodenu.

 

 

 

 

 

 

 

 

 

 

 

 

 

E

 

ecocardiògrafu – ecocardiografo – echocardiograph

Ecògrafu chi s’impreat pro esplorare e registrare sos movimentos de sas istruturas cardìacas: ventrìculos, àtrios, vàlvulas, pericàrdiu, artèrias e venas mannas. S’ecògrafu podet fàghere unu registru transtoràtzicu o transesofàgicu in funtzione de ue si còllocat su transdutore. 

 

ecoentzefalògrafu – ecoencefalografo – echoencephalograph

Ecògrafu chi s’impreat pro esplorare sas istruturas internas de su cràniu cun finalidade diagnòstica.

 

ecògrafu – ecografo – echograph

Dispositivu ultrasònicu impreadu pro fàghere ecografias.

 

eletrobìsturi  >  bìsturi elètricu

 

eletrocardiògrafu – elettrocardiografo – electrocardiògraph

Cardiògrafu chi s’impreat pro medire e registrare sa forma de unda relativa a su funtzionamentu de su coro. 

 

eletroentzefalògrafu – elettroencefalografo – electroencephalograph

Dispositivu impreadu pro su registru gràficu de sas variatziones elètricas de sas tzèllulas tzerebrales. 

 

eletromiògrafu – elettromiografo – electromyograph

Dispositivu chi s’impreat pro istimulare sos nèrvios e sos mùsculos e nde registrare s’atividade a reposu o cun atividade musculare.

 

ematotzitòmetru – ematocitometro – hematocytometer

Istrumentu impreadu pro contare in su microscòpiu sas tzèllulas emàticas in relatzione cun su volùmene sanguìneu.

 

emodializadore – emodializzatore – hemodialyzer

Aparatu de filtratzione impreadu pro praticare s’emodiàlisi; permitet de separare dae su sàmbene sustàntzias tòssicas, mescamente in patzientes cun insufitzièntzia renale grave. 

 

emoglobinometru - emoglobinometro – hemoglobinometer

Istrumentu impreadu pro determinare, pro colorimetria, sa cuntzentratzione de emoglobina in su sàmbene

 

endopròtesi – endoprotesi – endoprothesis

Sostitutzione de un’òrganu o de una parte de custu cun unu dispositivu artifitziale, pro esempru endopròtesi de aorta.

 

endoscòpiu – endoscopio – endoscope

Dispositivu costituidu dae unu tubu rìghidu o flessìbile, cun illuminatzione e unu sistema òticu, chi s’impreat pro esplorare sa superfìtzie interna de cavidades o cundutos de s’organismu. 

 

enteroscòpiu – enteroscopio – enteroscope

Fibroscòpiu chi s’impreat pro esplorare s’internu de s’istentina fine.

 

enteròtomu – enterotomo – enterotome

Fòrfighes chi tenent sas puntas atundadas, impreadas pro s’abertura de sas istestinas. 

 

ergodinamògrafu – ergodinamografo – ergodynamograph

Dispositivu impreadu pro otènnere su registru de sa fortza esertzitada e su traballu fatu in una contratzione muscolare. 

 

ergòmetru – ergometro – ergometer

Dispositivu chi s’impreat pro medire sa fortza de contratzione musculare.

 

eritrotzitòmetru – eritrocitometro – erytrocytometer

Dispositivu chi s’impreat pro contare e medire sos eritrotzitos.

 

esofagoscòpiu – esofagoscopio – esophagoscope

Fibroscòpiu impreadu pro esplorare s’internu de s’esòfagu. 

 

esofagotomu – esofagotomo – esophagotome

Istrumentu impreadu pro praticare s’esofagotomia interna.

 

istesiòmetru – estesiometro – esthesiometer

Istrumentu impreadu pro medire sa sensibilidade de sa superfìtzie corporale o de àteros òrganos.

 

etilòmetru – etilometro – breath analyzer

Istrumentu portàtile chi permitet de medire sa cuntzentratzione de s’alcol in s’àera alveolare espirada, e dae custa determinare sa cuntzentratzione in su sàmbene.

 

 

 

 

 

 

 

F

 

facòmetru – facometro – phacometer

Istrumentu chi s’impreat pro medire sa capatzidade refrativa de su cristallinu.

 

faringoscòpiu – faringoscopio – pharyngoscope

Endoscòpiu chi s’impreat pro esaminare sa faringe.

 

fetoscòpiu – fetoscopio – fetoscope

Endoscòpiu chi si insertat transaddominale in sa cavidade amniòtica pro visualizare su fetu.

 

fibroendoscòpiu – fibroendoscopio – fiber-endoscope

Endoscòpiu flessìbile formadu dae unu fàsciu de fibras òticas meda fines, chi s’impreat pro esplorare sa superfìtzie interna de cavidades e cundutos de s’organismu.

 

 fleboclisi – fleboclisi – intravenous drip

Tècnica de amministratzione lenta pro via endovenosa de sustàntzias diferentes cun finalidade terapèutica in cantidades variàbiles.

 

 fleboestratore – estrattore venoso – vein stripper

Istrumentu chirùrgicu impreadu pro nde bogare una vena, pro su prus sa safena interna.

 

fluorìmetru – fluorimetro – fluorimeter

Istrumentu chirùrgicu impreadu pro medire s’intensidade de sa fluorescèntzia generada dae unas cantas sustàntzias espostas a sas radiatziones ultravioletas.

 

fluoroscòpiu – fluoroscopio – fluoroscope

Aparatu radiogràficu formadu dae una fonte emissora de rajos X e dae un’ischermu in ue si projetant immàgines in movimentu, impreadu pro esaminare sos tessutos profundos de su corpus. 

 

focòmetru - focometro – focometer

Aparatu chi medit sa distàntzia focale de una lente o de unu sistema diòtricu.

 

fonendoscòpiu – fonendoscopio – phonendoscope

Istrumentu impreadu pro ascurtare sos sonos pulmonares, cardiovasculares e addominales, chi cunsistet in una campanedda tapada dae una membrana aunida a unu tubu de gomma chi trasmitet sos sonos a sos auriculares.

 

fonocardiògrafu – fonocardiografo – phonocardiograph

Cardiògrafu chi s’impreat pro registrare graficamente sos sonos cardìacos, chi trasformat sas vibratziones sonoras in energia elètrica.  

 

foròteru – forottero – phoropter

Istrumentu oftàlmicu impreadu pro medire sos difetos de rifratzione oculare.

 

fòrtzipe – forcipe – forceps

Istrumentu ostètricu metàllicu in forma de tenatza, cun sas estremidades a cutzara pro leare sa conca fetale in su canale de su partu, impreadu pro atzelerare s’estratzione de sa criadura in partos difìtziles.

 

fotocoaguladore - fotocoagulatore - photocoagulator 

Istrumentu impreadu in chirurgia oftàlmològica pro coagulare pro mèdiu de s’assorbimentu  e sa cunversione in calore de unu fàsciu luminosu diretu a un’àrea minore meda.

 

fotomicroscòpiu – fotomicroscopio - photomicroscope

Aparatu chi tenet sa funtzione de microscòpiu e de màchina fotogràfica, impreadu pro realizare microfotografias

 

 

 

 

 

 

 

 

G

 

 

gammacàmera – gammacamera – gamma camera

Istrumentu de chirca diagnòstica impreadu in meighina nucleare chi permitet de otènnere immàgines iscintigràficas de s’internu de su corpus pro mèdiu de sa captatzione de radiatziones gamma de sos tessutos e de sos òrganos a pustis de s’amministratzione endovenosa de una sustàntzia radioativa.    

 

gastroscòpiu – gastroscopio – gastroscope

Fibroscòpiu chi s’impreat pro esplorare s’internu de sa cavidade gàstrica.

 

glucòmetru – glucometro – glucometer

Dispositivu portàtile pro medire su livellu de glucòsiu in su sàmbene capillare.

 

goniòmetru – goniometro – goniometer

Istrumentu chi s’impreat pro medire sos àngulos de mobilidade de sas articulatziones de su corpus.

 

grapeta – grappetta – clip

In chirurgia, làminedda metàllica cun sas estremidades in punta impreada pro sas  suturas in sa pedde.

 

gru – gru – patient lift

Aparatu chi s’impreat pro artziare una pessone cun mobilidade reduida e la mòvere dae unu logu a un’àteru.

 

 

 

 

 

 

 

 

 

I

 

 

immunoanalizadore – immunoanalizzatore – immnoassay analyzer

Analizadore pro individuare in vitro molèculas, marcadas in antis, cunsideradas antìgenes o anticorpos ispetzìficos, mediante sa reatzione antìgenu-anticorpus currispondente. 

 

impiantu  >  pròtesi

 

inaladore – inalatore – inhalator

Aparatu impreadu pro s’inalatzione, cun finalidades terapèuticas, de gassos, vapores o lìcuidos pulverizados.

 

incubadora – incubatrice – incubator

Aparatu pro su tratamentu intensivu de neonatos prematuros o de pagu pesu, chi cunsistet in unu brassolu serradu dae una plàstica trasparente, cun sistemas de controllu de sa temperadura, cuntzentratzione de ossìgenu e umidade.

 

inspiròmetru – inspirometro – inspirometer

Aparatu impreadu pro medire su volùmene, sa fortza e sa frecuèntzia de sas inspiratziones.

 

ionòmetru – ionometro  – ionometer

Aparatu chi medit sa cuntzentratzione de sos iones idrògenu. 

 

ipofaringoscòpiu – ipofaringoscopio – hyopharingoscope

Endoscòpiu formadu dae unu tubu cun una lente angulada de 70° a 90° impreadu pro esplorare sa ipofaringe e sa laringe dae sa cavidade orale.

 

iscanner – scanner – scanner

Dispositivu eletrònicu chi esplorat una regione e trasferit s’informatzione a unu dispositivu informàticu. Esistint tipos diferentes de iscanner mèdicos: unos cantos impreant rajos X, àteros impreant ultrasonos, àteros impreant undas de radiofrecuèntzia comente sos de resonàntzia magnètica.

 

iscanner de tomografia computerizada – scanner di tomografia computerizzata – computerized axial tomography scanner

Dispositivu impreadu pro fàghere esploratziones radiològicas cun una fonte de rajos X chi faghet una rotatzione a inghìriu de su patziente pro produire immàgines trasversales pretzisas de istruturas internas de su corpus.

 

iscarpeddu – scalpello – scalpel

Bìsturi cun sa lama fissa impreadu in sa chirurgia òssea.

 

isfigmomanòmetru – sfigmomanometro – sphygmomanometer

Istrumentu impreadu pro medire sa pressione arteriale a manera no invasiva. Oe si impreant modellos automàticos chi tenent unu transdutore de sa pressione e un’ischermu digitale chi mustrat s’informatzione.

 

ispìgru laringeu – specchio laringeo – laryngeal mirror

Ispigru minoreddu chi, introduidu in su fundu de s’orofaringe e illuminadu a manera giusta, permitet de osservare s’internu de sa laringe. 

 

ispirògrafu – spirografo – spirograph

Istrumentu chi registrat sos movimentos respiratòrios.

 

ispiròmetru – spirometro – spirometer

Istrumentu chi s’impreat pro medire su volùmene màssimu de àera espirada a pustis de una inspiratzione màssima.

 

ispiroscòpiu – spiroscopio – spiroscope

Istrumentu chi s’impreat pro medire su volùmene de àera espirada in cada espiratzione; istrumentu impreadu in s’educatzione respiratòria de malàidos convalessente de protzessos toràtzicos.

 

istereoscòpiu – stereoscopio – stereoscope

Istrumentu òticu chi cun sa fusione de duas immàgines pranas dat sa sensatzione de un’immàgine in rilievu.

 

isterilizadore – sterilizzatore – sterilizer

Dispositivu chi s’impreat pro isterilizare, pro destruire sos microrganismos presentes in un’ogetu o in unu mèdiu.

 

isteròmetru – isterometro – hysterometer

Istrumentu de forma tzilìndrica, graduadu in tzentìmetros, impreadu pro medire sa fundària de sa cavidade uterina.

 

isteroscòpiu – isteroscopio – hysteroscope

Istrumentu endoscòpicu, pro su prus de fibras òticas, chi, introduidu in su canale tzervicale, permitet de esplorare s’internu de sa cvidade uterina.

 

istetoscòpiu – stetoscopio – sthetoscope

Istrumentu impreadu in sa pràtica clìnica pro s’auscultatzione de su coro e de àteros òrganos internos.

 

istetoscòpiu monoauriculare – stetoscopio monoauricolare – monaural sthetoscope

Istrumentu tzilìndricu de linna o metàllicu impreadu pro auscultare sos sonos chi si produint in sa parte de su corpus in ue est aplicadu.

 

istimuladore cardìacu – pacemaker – pacemaker

Dispositivu chi gènerat istìmulos elètricos e chi, collegadu a su coro cun un’elètrodu, nd’assegurat unu ritmu regulare e costante; est impreadu in su blocu senoatriale, de sa condutzione atrioventriculare, in sa depressione o ausèntzia de sa funtzione de su nodu sinusale e in sas tachicardias parossìsticas. 

S’istimuladore cardìcu podet èssere: temporàneu, esternu, o definitivu,  impiantàbile, cun anestesia locale.

 

istrabòmetru – strabometro – strabometer

Istrumentu impreadu in oftalmologia pro medire su gradu de desviatzione in s’istrabismu.  

 

 

 

 

 

 

 

 

 

 

 

 

L

 

 

làmpada – lampada – lamp

Aparatu produtore de lughe, impreadu in protzedimentos chirùrgicos, esàmines diagnòsticos o curas dermatològicas.

 

làmpada a carpidura – lampada a fessura – slit lamp

Làmpada de impreu oftalmològicu formada dae unu diaframma cun una carpidura, chi dat unu raju luminosu intensu e pranu chi permitet un’esàmine microscòpicu de sas istruturas oculares. 

 

làmpada ultravioleta - lampada ultravioletta – ultraviolet lamp

Làmpada chi bogat rajos ultravioletos, impreada pro su prus pro disinfetare e isterilizare superfìtzies, abba e àera o pro sa fototerapia in patologias determinadas de sa pedde.

 

lantzita – lancetta – lancet

Istrumentu chirùrgicu formadu dae una lama fine e puntuda, impreadu pro fàghere intzisiones.

 

laparoscòpiu – laparoscopio – laparoscope

Endoscòpiu, cumpostu dae unu tubu metàllicu cun unu sistema òticu e una fonte de lughe frita, chi si introduit in sa cavidade addominale cun finalidades diagnòsticas o terapèuticas.

 

laringòfonu – laringofono – laryngophone

Aparatu eletrònicu formadu dae unu micròfonu de cuntatu de forma tzilìndrica chi si àplicat esternamente in sa regione tzervicale e trasmitet undas vibratòrias chi permitent sa fonatzione a sos patzientes laringectomizados.  

 

laringoscòpiu – laringoscopio – laryngoscope

Istrumentu pro realizare un’esàmine visivu diretu de sa laringe, de sa glòtide e de sas cordas vocales. Su laringoscòpiu est impreadu pro realizare s’intubatzione endotracheale.

 

laringostroboscòpiu – laringostroboscopio – laryngostroboscope

Ipofaringoscòpiu chi permitet de visualizare sa vibratzione de sas cordas vocales durante sa fonatzione.

 

laser – laser – laser

Aparatu chi dat fàscios de lughe intensos e bene cuntzentrados de radiatziones eletromagnèticas. Sos laser s’impreant in fotocoagulatzione in operatziones chirùrgicas, oculares e dermatològicas, in reabilitatzione, in microchirurgia tzelulare.

 

lente intraoculare – lente intraoculare – intraocular lens

Lente artifitziale chi s’impiantat in s’internu de s’ogru pro currègere difetos de rifratzione o pro sostituire su cristallinu in s’operatzione de catarata.

 

lente intraoculare fàchica – lente intraoculare fachica – phakic intraocular lens

Lente intraoculare impreada pro sa curretzione de sos difetos de rifratzione, sena nde bogare su cristallinu de su patziente.

 

liofilizadore – liofilizzatore – lyophilizator

Aparatu de laboratòriu cumpostu dae una càmera pro sicare, una càmera pro cungelare e una pompa de bòidu; s’impreat pro tratare o cunservare tessutos o sustàntzias pro mèdiu de unu protzessu de cungelamentu sighidu dae una disidratatzione. 

 

litoscòpiu  >  tzistoscòpiu

 

litòtomu – litotomo – lithotome

Istrumentu chirùrgicu disegnadu a manera ispetzìfica pro fàghere s’estratzione de unu càlculu pro mèdiu de un’intzisione de unu cundutu o de un’òrganu, pro su prus sa vessica de s’urina.

 

litotriptor – litotriptor – lithotriptor

Aparatu impreadu pro frichinare o nde bogare càlculos.

 

 

 

 

 

 

 

 

 

 

 

 

M

 

 

 

magnetocardiògrafu – magnetocardiografo – magnetocardiograph

Aparatu de registru gràficu de su campu magnèticu generadu dae s’atividade elètrica de su coro, impreadu pro s’istùdiu de sa funtzione cardìaca e de sas lesiones miocàrdicas, comente integratzione de s’eletrocardiogramma.

 

magnetoentzefalògrafu – magnetoencefalografo – magnetoencephalograph

Entzefalògrafu cumpostu dae un’aparatu in forma de cascu cun sensores magnèticos in sa parte interna, impreadu pro tradùere in immàgines sos campos magnèticos generados dae s’atividade elètrica tzerebrale.

 

mammògrafu – mammografo – mammography machine

Aparatu de rajos X adatadu pro esplorare su sinu femininu.

 

manòmetru – manometro – manometer

Aparatu impreadu pro medire sa pressione de sos flùidos, mescamente de sos gassos e de su sàmbene, o sa pressione interna de sas cavidades orgànicas.

 

marteddu pro riflessos – martello per riflessi – reflex hammer

Istrumentu formadu dae una màniga metàllica e una conca de su totu o in parte de cauciù, impreadu pro esplorare sos riflessos tendìneos.

 

màscara de ossìgenu cun pallone – maschera di ossiogeno con pallone – mask with reservoir bag

Màscara pro ssigenoterapia cun unu pallone chi permitet de amministrare una 

Cuntzentartzione elevada de ossìgenu.

 

màscara pro anestesia – maschera per anestesia – mask

Dispositivu chi tapat su nasu e sa buca impreadu pro amministrare ossìgenu e gassos anestèsicos a unu patziente.

 

màscara pro ossigenoterapia – maschera per ossigenoterapia – mask

Dispositivu de plàstica, flessìbile e trasparente, cun duos istampos laterales chi permitent s’intrada de s’aera ambientale e una zira elàstica pro la mantènnere, chi s’impreat pro amministrare flussos bassos de ossìgenu.

 

màscara sanitària – mascherina sanitaria – mask

Dispositivu  de pabiru o de tessutu chi tapat su nasu, sa buca e sa barba,  impreadu dae su personale sanitàriu pro evitare s’inalatzione o esalatzione de agentes patògenos o elementos tòssicos. 

 

medidore de glitzemia - misuratore di glicemia - glucometer

Aparatu portàtile impreadu pro medire su livellu de glucòsiu in su sàmbene capillare; est cumpostu dae un’ischermu e dae una carpidura in ue si tzacat una zira reativa cun unu gùtiu de sàmbene leadu dae sa punta de unu pòddighe. Custu medidore permitet a sos patzientes diabèticos de si autocontrollare sa glitzemia.

 

medidore de pH – misuratore di pH – pH-meter

Aparatu eletrònicu chi s’impreat  pro medire su pH de una solutzione, costituidu dae una sonda ispetziale aunida a unu potenziòmetru.

 

microscòpiu – microscopio – microscope

Istrumentu òticu chi, cun unu sistema de lentes, aumentat sa mannària e faghet visìbile s’immàgine de ogetos, organismos e sustàntzias invisìbiles. Esistint tipos diferentes de microscòpios, segundu sa configuratzione, caraterìsticas, sistemas de illuminatzione, elementos impreados pro otènnere sas immàgines.

 micròtomu – microtomo – microtome

Istrumentu chi tenet una lama meda acuta, o unu laser, impreadu pro otènnere mustras meda fines (5-20 μm) e regulares de tessutos vegetales o animales, adecuadas pro un’esàmine microscòpicu.

 

mielòtomu – mielotomo – myelotome

Istrumentu chirùrgicu chi s’impreat pro praticare intzisiones in su meuddu ispinale.

 

miògrafu – miografo – myograph

Istrumentu chi s’impreat pro registrare sas contratziones musculares, e de custa manera nde pòdere fatzilitare s’istùdiu  de sa forma, intensidade e durada.

 

miòmetru   >  dinamòmetru

 

monitore clìnicu – mònitor clinico – multi-parameter monitor

Aparatu formadu dae un’ischermu e sos atzessòrios collegados, eletrocardiogramma, pressiones, etz., durante operatziones chirùrgicas o istùdios diagnòsticos.

 

monitore contìnuu de glucòsiu > sensore contìnuu de glucòsiu 

 

monitore fetale cardìacu – mònitor fetale cardiaco – fetal hearth detectos

Aparatu chi registrat e medit sa frecuèntzia cardìaca fetale.

 

 

 

 

 

 

 

 

 

 

N

 

 

nastru emostàticu – laccio emostàtico – tourniquet

Nastru o tubigheddu de silicone o de gomma chi si ponet a inghìriu de unu mermu pro firmare sa tzirculatzione venosa e pòdere introduire un’agu pro una un’inietzione endovenosa, o firmare sa tzirculatzione arteriosa pro otènnere un’efetu emostàticu si es aplicadu prus a in subra de una emorragia.

 

negatoscòpiu – negatoscopio – negatoscope

Aparatu impreadu in radiologia pro esaminare in trasparèntzia sos negativos radiogràficos.

 

neuroendoscòpiu – neuroendoscopio – neuroendoscope

Endoscòpiu rìghidu o flessìbile chi s’impreat pro esplorare sos òrganos e sas istruturas de su sistema nerviosu tzentrale.

 

neuropròtesi – neuroprotesi – neuroprosthesis

Aparatu eletrònicu chi s’impreat pro sostituire o megiorare sa funtzione de segmentos de su sistema nerviosu tzentrale chi ant pèrdidu sa funtzione issoro. Sas neuropròtesis s’impreant mescamente pro dare mobilidade a pessones paraplègicas, amputadas o cun dificultades motoras.

O

 

 

 

oftalmòmetru – oftalmometro – ophthalmometer

Istrumentu chi imbiat unu fàsciu de lughe a sa còrnea de su patziente e, mediante s’immàgine chi si bi rifletet, permitet de medire sa curvadura de sos meridianos printzipales e determinare duncas su gradu de astigmatismu.

 

oftalmoscòpiu – oftalmoscopio – ophthalmoscope

Aparatu chi s’impreat pro illuminare e esplorare su fundu de s’ogru; est formadu dae un’ispigru pranu o còncavu cun un’istampu in mesu e una sistema de illuminatzione. 

 

optòmetru – optometro – optometer

Nùmene genèricu de istrumentos impreados pro medire su lìmite de sa capatzidade de sa vista.    

 

òrtesi – òrtesi – orthosis

In ortopedia, dispositivu esternu, aparatu o fèrula, chi si àplicat a una pessone pro modificare sas caraterìticas istruturales o funtzionales de s’aparatu musculoeschelètricu.

 

ossigenadore – ossigenatore – oxygenator

Aparatu chi s’impreat pro mantènnere s’ossìgenu de su sàmbene durante sa tzirculatzione extracorpòrea.

 

osteodensitòmetru - osteodensitòmetro – bone densitometer

Densitometru chi medit sa densidade minerale òssea, impreadu mescamente pro sa diàgnosi e su seghimentude maladias de sos osso, pro esempru s’osteoporosi.

 

otoscòpiu – otoscopio – otoscope

Istrumentu òticu chi s’impreat pro esaminare s’origra esterna e su tìmpanu.

 

 

 

 

 

 

 

 

 

 

 

P

 

 

 

pallone intragàstricu – pallone intragastrico – intragastric balloon

Pallone de silicone, chi si ponet pro via endoscòpica e si prenat cun unos 600 ml de solutzione isotònica in s’istògomo de patzientes cun obesidade mòrbida pro nde minimare sa capatzidade, cun s’obietivu de reduire s’intrada de alimentos e su pesu corporale de su patziente.

 

pedana istabilomètrica - pedana stabilomètrica – stabilimeter

Istrumentu chi valorat sa funtzionalidade motòria e s’ecuilìbriu in positzione a sa rea. 

 

piastra Petri – pistra Petri – Petri dish

Istrumentu de laboratòriu, su cuntenidore prus difusu pro terrinos de coltura, de forma tzilìndrica, de diàmetru meda prus mannu de s’artària, cun unu covacu de sa matessi forma, impreadu pro fàghere coltivos microbiològicos.

 

pinna insulìnica – penna insulinica – insulin pen

Istrumentu chi s’impreat pro inietare insulina in su tessutu sutacutàneu, formadu dae una fiala de insulina, unu dispositivu de dosàgiu e un’agu pro inietzione.

 

 pintza – pinza – forceps

Istrumentu chirùrgicu metàllicu, formadu dae duas francas chi si podent istrìnghere cun sa manu, impreadu pro leare o apretare ogetos, òrganos e tessutos. Su tèrmine pintza est impreadu normalmente in plurale.

Esistint unos cantos tipos de pintzas chi leant su nùmene o dae chie nd’at propostu a primu s’impreu, pro esempru pintzas de Kocher, o dae s’impreu ispetzìficu chi si nde faghet, pro esempru pintzas emostàticas, pintzas pro biopsia, pintzas pro sutura, etz.

 

pipeta – pipetta – pipette

Istrumentu de laboratòriu chi cunsistet in unu tubu de bidru chi finit a punta, impreadu pro aspirare e,  si est graduadu, pro medire cantidades minoreddas de lìcuidu. 

 

pletismògrafu – pletismografo – plethysmograph

Aparatu chi s’impreat pro registrare sos càmbios de volùmene de un’òrganu, de un’estremidade o de totu su corpus, pro variatzione de su flussu sanguìneu o de s’àera respirada.

 

pleuroscòpiu  >   toracoscòpiu

 

plicòmetru  >  adipòmetru

 

podoscòpiu – podoscopio – podoscope

Aparatu chi permitet de valorare s’impronta  de  sas prantas de sos pees in bipedestatzione.

 

polisonnògrafu – polisonnografo – polysomnograph

Aparatu chi s’impreat pro osservare atividades fisiològicas diferentes chi si dant durante su sonnu, registrende unas cantas variàbiles eletrogràficas.

 

pompa de infusione – pompa d’infusione – infusion pomp

Dispositivu impreadu pro amministrare una solutzione farmacològica pro via intravenosa a una velotzidade pretzisa durante unu tempus determinadu, formadu dae unu reservòriu de lìcuidu, unu catètere e unu mecanismu eletrònicu chi règulat sa velotzidade de infusione.

 

pompa de perfusione  >  pompa de infusione

 

portaogetos – portaoggetti – slide

In sa tècnica microscòpica cadaunu de sos duos bidrigheddos in mesu de ue si ponet su campione pro osservare: unu prus mannu e prus grussu, su portaogetos, s’àteru prus minore e fine, su covecaogetos. 

 

proctosigmoidoscòpiu  - proctosigmoidoscopio  - sigmoidoscope

Endoscòpiu rìghidu impreadu pro esplorare s’internu de su retu e de sa parte distale de su sigma.     

 

pròtesi – protesi – implant

Materiale chi sostituit un’òrganu o una parte de custu o unu segmentu corpòreu cun istruturas artifitziales chi nde recùperant sa funtzionalidade.

 

pròtesi acùstica – protesi acustica – audiophon

Dispositivu eletrònicu chi amplìficat sos sonos retzidos; est cumpostu dae unu micròfonu, un’amplificadore e un’auriculare chi s’adatat a s’origra.

 

pròtesi mammària – protesi mammaria – mammary implant

Sacheddu flessìbile de silicone elàsticu atundadu o in forma de làgrima impreadu pro l’implantare chirurgicamente in suta de su mùsculu petorale majore, a in segus de sa glàndula mammària, pro costruire de nou o modificare s’aspetu o su volùmene de sa mamidda.

 

proveta – provetta – test tube

Istrumentu de laboratoriu chi cunsistet in unu tubu de bidru serradu in una estremidade, a bortas graduadu, destinadu a cunservare o a medire lìcuidos o gassos.

 

pulsìmetru – pulsimetro – pulsimeter

Aparatu impreadu pro medire sa pulsatzione arteriosa.    

 

pulsiossìmetru – pulsiossimetro – pulse oximeter

Aparatu impreadu pro medire sa cuntzentratzione de ossiemoglobina e sa frecuèntzia cardìaca.     

punta de tràpanu ortopèdicu – punta da trapano  ortopedico – drill bit

Istrumentu metàllicu tzilìndricu, cònicu o troncocònicu chi pro rotatzione permitet de istampare tessutos comente ossos o dentes.

 

puntu metàllicu   >   grapeta

 

pupillòmetru – pupillometro – pupillometer

Aparatu chi permitet s’osservatzione de sa pupia de s’ogru e sa mesura de su diàmetru suo.

 

 

 

 

 

 

 

 

 

 

 

 

 

R

 

 

 

radioscòpiu  >  fluoroscòpiu

 

resetoscòpiu – resettoscopio – resectoscope

Endoscòpiu chi cunsistet in unu tubu cun unu sistema òticu e unu cundutu in ue si podent introduire unos cantos dispositivos pro praticare una resetzione eletrochirùrgica , mescamente in s’aparatu genitourinàriu.

 

respiradore manuale – respiratore manuale – manual resuscitator

Respiradore portàtile formadu dae una màscara chi si adatat a sa buca e a su nasu aunida cun una vàlvula a una bursa o pallone chi si apretat manualmente pro introduire àera in sos purmones.

 

 retoscòpiu   >   proctosigmoidoscòpiu   

 

rifratòmetru – rifrattometro – refractometer

Aparatu òticu impreadu pro determinare s’ìnditze de rifratzione de s’ogru.

 

rinomanòmetru – rinomanometro – rhinomanometer

Manòmetru impreadu pro medire su flussu de pressione de s’àera intro sas cavidades nasales durante sa respiratzione e valorare su gradu de tapadura nasale. 

          

rinoscòpiu – rinoscopio – rhinoscope

Istrumentu chi s’introduit in un’orifìtziu nasale pro l’ampriare e nde fatzilitare s’osservatzione.

 

rungione artifitziale  >  emodializadore

 

 

 

 

 

 

 

 

 

 

 

 

 

S

 

 

 

sachita pro ileostomia – sacchetta per ileostomia – ileostomy bag

Sachita de materiale plàsticu adatada a sa pedde de s’addome e chi retzit su cuntènnidu intestinale de una pessone chi li ant praticadu un’istomia a livellu de s’ìleu.      

 

sachita pro istomia – sacchetta per stomia – ostomy bag

Sachita de materiale plàsticu adatada a sa pedde de s’addome e chi retzit su cuntènnidu intestinale de una pessone chi li ant praticadu un’istomia urinàriu o digestivu.     

 

sachita pro colostomia – sacchetta per colostomia – colostomy bag

Sachita de materiale plàsticu adatada a sa pedde de s’addome e chi retzit sa matèria fecale.       

 

sensore contìnuu de glucòsiu – sensore continuo del glucosio – continuous glucose monitor

Sensore portàtile subcutàneu, chi su patziente tenet insertadu in su bratzu o in s’addome, chi s’impreat pro monitorizare su glucòsiu de su lìcuidu interstitziale a manera sighida; su sensore tenet unu trasmissore chi imbiat sos datos in tempus reale  a su telefoneddu de su patziente.

 

sistema de infusione endovenosa   >   fleboclisi

 

sistema de pressione positiva sighida in sas vias respiratòrias > dispositivu CPAP

 

sonda – sonda – sound

Istrumentu de forma tubulare, de materiale rìghidu o flessìbile, chi si introduit in una cavidade orgànica o in unu cundutu naturale o patològicu, pro l’esplorare, l’allargare, inietare unu lìcuidu o drenare.

 

sonda de alimentatzione – sonda di alimentzazione – feeding tube

Sonda nasogàstrica impreada pro sa nutritzione enterale in patzientes chi non si podent alimentare cun normalidade pro via orale, chi permitet de introduire alimentos naturales lìcuidos o isminutzados. Sa sonda si podet introduire dae su nasu o dae una faringostomia  o dae una esofagostomiatzervicale.

 

speculum – speculum – speculum

Istrumentu impreadu pro ampriare sos orifìtzios de intrada de sas cavidades naturales de s’organismu e nde fatzilitare s’esploratzione.  

 

stent – stent – stent

Dispositivu tubulare chi si podet ispàrghere, chi si còllocat in s’internu de unu cundutu anatòmicu, pro esempru in sas artèrias coronarias pro las mantènnere abertas. 

 

suturadora - suturatrice – stapler

Istrumentu de sutura impreadu in chirurgia pro aunire tessutos cun grapas.

 

 

 

 

 

 

 

 

 

 

T

 

 

 

toracoscòpiu - toracoscopio - thoracoscope 

Endoscopiu rìghidu chi s’introduit in sa cavidade pleurale travessu una intzisione in un’ispàtziu intercostale pro esplorare o praticare un’interventu chirùrgicu.

 

transilluminadore   >  diafanoscòpiu

 

tubu de drenàgiu – tubo di drenaggio – drainage tube

Tubu de gomma o de àteru materiale chi comùnicat una cavidade naturale o patològica cun s’esternu pro sa essida de lìcuidos, cun sa finalidade de eliminare retentziones patològicas.

 

tzentrìfuga – centrifuga – cenrifuge

Aparatu de laboratòriu chi cunsistet in un’istèrgiu chi girat in un’asse a velotzidade arta, impreadu pro separare sos cumponentes de una mustra; pro esempru: tzentrìfuga pro ematòcritu. 

 

tzicloforòmetru – cicloforometro – cyclophorometer

Aparatu impreadu in oculìstica pro medire su gradu de tzicloforia.    

 

tzinestesiòmetru – cinestesiometro – kinestesiometer

Aparatu chi s’impreat pro medire sa sensibilidade musculare comente risposta a su movimentu, su pesu o sa positzione.

 

tzircùitu pro anestesia – circuito per anestesia – anesthesia circuit

Sistema tubulare collegadu a un’aparatu anestèsicu impreadu pro s’aplicatzione de s’anestesia inalatòria chi giughet sos anestèsicos inalatòrios finas a su patziente e elìminat su diòssidu de carbòniu.

 

tzirculatzione extracorpòrea  – circolazione extracorporea - extracorporeal circulation

Derivatzione de su sàmbene a un’aparatu cardiopulminare chi, mescamente in operatziones chirùrgicas longas permitet de non firmare sa tzirculatzione de su sàmbene e a su matessi tempus lu ossìgenat.

 

tzistoscòpiu – cistoscopio -cystoscope

Endoscòpiu rìghidu o flessìbile chi s’introduit in s’uretra pro esplorare sa vessica de s’urina.

 

tzitòmetru – citometro – cytometer

Aparatu chi permitet de contare tzèllulas e medire paràmteros tzellulares.

 

 

 

 

 

 

 

 

 

 

  

 

 

U

 

 

ureteroscòpiu – ureteroscopio – ureteroscope

Endoscòpiu rìghidu o flessìbile chi s’impreat pro esaminare s’internu de s’uretere.

 

uretroscòpiu – uretroscopio – urethroscope

Endoscòpiu rìghidu o flessìbile chi s’impreat pro esaminare s’internu de s’uretra. 

 

urinòmetru – urinometro – urinometer

Aparatu chi s’impreat pro determinare sa densidade o su pesu ispetzìficu de s’urina; naradu fintzas uròmetru.

 

 

 

 

 

 

V

 

 

ventiladore mecànicu – ventilatore meccanico – ventilator

Aparatu impreadu pro sa ventilatzione pulmonare artifitziale, chi si sostituit a sas funtziones mecànicas de su sistema respiratòriu, cando custu non podet acumprire sas funtziones pròpias pro maladias, tràumas o fàrmacos anestèsicos durante operatziones chirùrgicas.